വി.ടി.ഭട്ടതിരിപ്പാട്
മാർച്ച്
വി.ടി. ഭട്ടതിരിപ്പാട്
വി.ടി. എന്ന രണ്ടക്ഷരപ്പേരിൽ അറിയപ്പെടുന്ന സാമൂഹിക നവോത്ഥാന നായകൻ.
1896 മാർച്ച് 26-ന് ജനിച്ചു. വെള്ളിത്തിരുത്തി താഴത്ത് രാമൻ ഭട്ടതിരിപ്പാട് എന്നാണ്
മുഴുവൻ നാമം. ഉപനയനത്തിനും വേദാധ്യയനത്തിനും ശേഷം ശാന്തിക്കാരനായി.
1913 ലാണ് അക്ഷരജ്ഞാനത്തിന്റെ പ്രാരംഭം. തുടർന്ന് തിരുവനന്തപുരത്ത് ഇംഗ്ലീഷ്
പഠിക്കാൻ തുടങ്ങി. 1919-ൽ തൃശൂർ (എടക്കുനി) നമ്പൂതിരി വിദ്യാലയത്തിൽ 9-ാം
ക്ലാസ്സിൽ ചേർന്ന് പഠിപ്പു തുടർന്നു. നമ്പൂതിരി സമുദായത്തിലെ സ്ത്രീകളുടെ ദുരവ
സ്ഥയ്ക്ക് പരിഹാരം കാണുന്നതിനായി രചിച്ച "അടുക്കളയിൽനിന്ന് അരങ്ങത്തേക്ക്
എന്ന നാടകം അനവധി പ്രതിഷേധങ്ങൾക്കിടയിൽ 1929-ൽ അരങ്ങേറി. നമ്പൂതിരി സമുദായത്തിനു
ഉള്ളിൽ ഒരു പൊട്ടിത്തെറിക്ക് ഇത് കാരണമായി. 'ഉദ്ബുദ്ധ കേരളം', 'യോഗക്ഷേമം', 'ഉണ്ണിനമ്പൂതിരി',
"പാശുപതം' തുടങ്ങിയ പ്രസിദ്ധീകരണങ്ങളുടെ പ്രത്രാധിപരായും വി.ടി. സേവനമനുഷ്ഠിച്ചിട്ടുണ്ട്. നമ്പൂ
തിരി യുവജനസംഘം സെക്രട്ടറിയായിരിക്കേ നടത്തിയ യാചനായാത് ഏറെ ശ്രദ്ധിക്കപ്പെട്ടു. 1937-ൽ
നമ്പൂതിരി സമുദായത്തിനുള്ളിലെ ആദ്യത്തെ വിധവാവിവാഹത്തിന് നേതൃത്വം കൊടുത്തു. 1939-ൽ
സ്വസമുദായ അംഗത്തെക്കൊണ്ട് മിശ്രവിവാഹം നടത്തി മറ്റൊരു വിപ്ലവം സൃഷ്ടിച്ചു. സ്വാതന്ത്യസമ
രത്തിൽ പങ്കെടുത്തു. 1968-ൽ മിശ്രവിവാഹ പ്രചരണജാഥ നടത്തി. പ്രധാന കൃതികൾ "അടുക്കള
യിൽനിന്ന് അരങ്ങത്തേക്ക്' (നാടകം), 'രജനീരംഗം' (കഥകൾ), 'വെടിവട്ടം' (ലേഖനങ്ങൾ). 'കണ്ണീരും
കിനാവും', 'ജീവിതസ്മരണകൾ', 'കർമ്മവിപാകം' (ആത്മകഥകൾ). 'കണ്ണീരും കിനാവും' എന്നി
കൃതിക്ക് 1972-ലെ കേരള സാഹിത്യ അക്കാദമി അവാർഡ് ലഭിച്ചു. 1982 ഫെബ്രുവരി 12-ന് അന്തരിച്ചു.
0 Comments: